كيف يمكن وقف هذا الانهيار؟ | نصر القفاص لذات مصر

نصر القفاص

أنا من الجيل اللي تربى يقول عبدالناصر يقول السادات ومبارك ويقول مرسي يقول السيسي دلوقتي أنا مقدرش أقول السيسي لازم أقول حضرة فخامة السيد الرئيس السيسي وأبقى يعني ببين التبجيل أوي يعني رئيس وزراء مش موجود في أي حاجة في أي حاجة، رئيس وزراء مش مسموح له يتكلم في الدستور ولا في الأمن القومي ولا السياسة الخارجية، دي يبقى رئيس وزراء.. أي حد مهماش ضامنين هيقول ايه على الشاشات أو هيكتب ايه في الجورنال مبيطلعش.. فلان الفلاني فاشل أوي يبقى رئيس تحرير كذا، فلان الفلاني فشل أوي يبقى رئيس مجلس إدارة كذا، فلان الفلاني فاشل قوي يخرج على الشاشة، عايز إعلامنا يبقى مثل غزة أو الضفة الغربية، مش هقول بقى إسرائيل، وما يصحش أشطح وأقول عايزين زي تركيا.. أنا ببقى مكسوف من الناس، لما تكلمني عن الإعلام المصري لما منتكلمش في الدستور. طب ما الدستور أنتم اتكلمتوا فيه، أنتوا لعبتوا في الدستور غيرتوه وعدلتوه.. يشرحون يقولوا لنا اللي حصل في موضوع سد النهضة محدش بيقول.. الحقيقة أنه لا يوجد برلمان في مصر وأن هذا البرلمان تم تشكيله بتواطؤ على الشعب، أتحدى أن أحد يعرف يتكلم قدام وزير أو رئيس وزراء لمدة ثلاث.. مش هقولك قدام رئيس الجمهورية اعتقد على طول هيتقاله أقف مكانك أنت فاهم الكلام دا، أقعد ساكت.. عايز أعرف أرقام توزيع الصحف في مصر.. لا يمكن تعرف مش هيقولك لأنها فضيحة.. أنت عمرك شفت في العالم برلمان ضد الشعب، البرلمان ينتخبه الشعب لكي يدافع عن الشعب.

نصر القفاص

البرلمان نازل تصديق على الضرائب ليل ونهار. أربع نواب بيروحوا يضربوا الناس في نقابة المهندسين. حضرة سيادة الوزير كامل الوزير وحضرة سيادة الوزير وزير الري رايحين لنقيب المهندسين يقولوا له تعالوا يعني نلم الموضوع ونطلع البلطجية دول من المأزق. الإعلام القوي يعكي سلطة قوية. الإعلام الضعيف يعكس سلطة ضعيفة. الموجودين الحبس الاحتياطي أنت تطلع فيهم بالقطعة. ليه الذي ارتكب جريمة يتحاكم عليها ونخلص يتكلموا عن حجم الفساد. العائلات التي تحكم مصر في كل المواقع محدش بيفتح بقوا خالص. إزاي يبقى هناك أحزاب واعدة وهي تدار عبر الأجهزة الأمنية. أكبر حزب في مصر هو الأمن الوطني، أعظم حزب في مصر هو الأمن الوطني. كل المسؤولين أراهم واقفين بشكل مش كويس لا يليق.. لا يليق حتى بسيادة الرئيس.. عصام خليل يأتي لنا تعليمات نجيب ساويرس وبعدين يأخذ مننا ونقعد مرة اجتماع ولا حاجة.. ونجيب ساويرس سيقول لك عايزين نعمل كذا، فيبقى كلامه يمشي.. أيام محمد مرسي كنا نقدر نعمل استمارات تمرد وننزل في الشارع، وأنا كنت أطلع على الشاشات وأتكلم، وكنت أقدر أكتب في الجرنان أقدر أقول إن أحمد طنطاوي ظلم في انتخابات البرلمان اللي فاتت. أستاذ عبدالسند يمامة لقيته في حفلة الحوار الوطني بيتكلم كلام ميقولوش مستقبل وطن يعني كل ما عرضته على رئاسة الجمهورية الحمد لله أيضا بأمانة لم يؤخذ بأي شيء منه دلوقت مبكتبش غير في الفيسبوك ممنوع من الظهور معنوع من الكلام، ممنوع من كل حاجة.. ممنوع من مكافأة نهاية الخدمة إذا كنت السلطة خايفة ليحصل خمسة وعشرين يناير.. في أسباب تؤدي إلى خمسة وعشرين.. هيحصل.

المذيع

أهلا بكم مستمعي ومشاهدي منصات ذات مصر ولقاء مع الكاتب الكبير الأستاذ نصر الأقفاص أهلا بك.

نصر القفاص

نص أهلا بك سبعون أهلا وسهلا.

المذيع

بداية كيف ترى حال الإعلام المصري حاليا؟

نصر القفاص

هذا سؤال صعب جدا، أنا شايف أن مصر دلوقتي تقريبا لا يوجد فيها إعلام، وأنا لا أذكر أسماء، يعني محبش أذكر أسماء لكن مفيش إعلام.. يعني صحافة مفيش إذاعة، فيه إذاعة الأغاني، للأمانة عشان برده تلفزيون مش عارف أي قناة، عندنا قنوات كثير جدا لكن من مؤثر في الرأي العام المصري ما فيش من مؤثر في العالم العربي ما فيش بدليل أن مصر تلجأ لمنصة سعودية تطلع من مصر فقط، يعني هي أقوى حاجة عنده مصر.. منصة سعودية.. فمفيش إعلام تقريبا يعني.

المذيع

طب تفسيرك لهذا التراجع.

نصر القفاص

هو. هو مقصود طبعا حصل من فترة مبارك الأخيرة يعني أيام صفوت الشريف كان السيد صفوت الشريف كان مؤمن بحاجة اسمها السيادة الإعلامية والسنمات المفتوحة والحاجات الشعارات الجميلة اللي كان يقولها.. هو صفوت الشريف للأمانة ليه إنجازات فيما يسمى البنية الأساسية مدينة إنتاج إعلامي، قنوات بكثرة حاجات زي كذا أما حصلت ضغوط في مطلع الألفينات فبدأ يحصل نوع من أنواع الانفتاح. وظهرت القنوات الخاصة وظهرت الصحف الخاصة يعني تقريبا نقطة قبلة حياة للإعلام المصري، ثم كانت ثورة الخامس والعشرين من يناير والإعلام بدأ يعني فتح قوي، وبعدين ثلاثين يونيو وما بعد ثلاثين يونيو قام مقفول الإعلام كله لما ظهر بقى الفكر اللي هو أنه تسيطر جهة واحدة على كل الإعلام في مصر، هذه الجهة سيطرت على الإعلام في مصر أصبحت تمتلكه ولا تمتلك إعلاما، يعني هي تمتلك البشر الموجودين بالإمكانيات. بالقدرات ولاقت فكرة الإعلام خالص.

المذيع

طيب برأيك يعني هل هذا التراجع بسبب غياب الاستراتيجية أم غياب مناخ الحرية أم غياب التعددية؟

أي إعلام في الدنيا سواء مثلا في نظام سياسي القديم أيام الشيوعية في عقل حاكمه في منهج أيام هتلر مثلا في النازية في عقل وفي منهج عند الغرب. الإعلام في أمريكا وفي أوروبا في عقل وفي منهج إحنا هنا مفيش عقل ولا منهج كان في مصر كان فيه عقل له منهج في الستينات مثلا ما بعد ذلك فترة بداية السبعينات لحد كان فيه عقل ومنهج.. دلوقت الإعلام له عقله ملوش منهج، يعني مين العقل بتاع الإعلام المصري مفيش.. يعني أنا نفسي أعرف من المسؤول عن الإعلام المصري حتى حصلت محاولة إعادة وزير الإعلام فشلت تماما فيه الحاجات الجميلة اللي بيقولوا عليها المجلس الوطني اللي مش عارف ايه والهيئة الوطنية اللي مش عارف ايه والحاجات اللطيفة الحلوة دي كلها، لكن هل فيهم حد يعني في أمارة أنه يقدر يكون يقدر يعمل منهج أو يقدر يدير. بصراحة أنا اشوفهم لابسين بدل وشيك وحلوين أوي وقاعدين في الصف الثاني أو الثالث في كل لقاءات الرئيس وبيركبوا عربيات فخمة وحاجاته لذيذة يعني وغير كده مفيش خالص يعني.

المذيع

طيب انت كان ليك تصور لتطور الإعلام وربما انت قدمت رؤية أو تصور للسلطة يعني هل لك أن توضح ما هي أبرز ملامح هذا التصور؟

نصر القفاص

دا حصل ومعرفش أنت جبتها منين يعني أنا عملت دا يعني حتى ربما أكون لمحت ليه وأنت بقى قريت كويس فعرفت توصلها أنا كنت يعني توجهت لي دعوة كريمة من رئاسة الجمهورية إن نروح ويبقى فيه مناقشة واتناقش واتطلب مني تصور بالفعل وكان التصور اتعمل واتناقش مع اللواء محسن عبد النبي اللي هو قال لي إن تصورك مطلوب، فكان تصوري أنه مش مسألة أن الإعلام إعادة هيكلة زي ما بيقولوا لأ، أنا قلت أن الدنيا حصل فيها تطور، فلابد أن المؤسسات الكبيرة تفضل موجودة ولكن تتطور وإن يبقى فيه منهج للإعلام، فتبقى الأهرام مثلا لو افترضنا أنها هتبقى المحاور الأساسية الموجودة عندها زي ما كانت تقليدية اللي هي الوضع الإقليمي، الوضع الدولي والإقليمي تبقى مسؤولة عنه، ولكن الأهرام كمان يمتد أنه يعمل يرجع إلى أصله بأن يبقى هناك جريدة الأهرام في إسكندرية والاسكندرية تبقى منها اسكندرية والبحيرة ومرسى مطروح اللي هي المنطقة وكفر الشيخ فقلت يطلع جورنال تبلويد باسم ثاني تبع الأهرام يدير ده. وتضاف الجورنال التابلويد إلى القناة اللي بتطلع من إسكندرية إضافة إلى الإذاعة اللي بتطلع من إسكندرية ويبقى في ويب سايت للحتة دي تبع الأهرام برد ويحصل نوع من أنواع التفريغ من الأم هنا. وتبقى الأهرام مهتمة أو تركيزها بشكل أساسي على القضايا الكبيرة، وده يطلع منها جورنال إقليمي وقناة إقليمية وإذاعة إقليمية، ويتاح لها الحرية وتتحرك بحرية وعمال دا. وقولت التصور على التوازي يبقى الأخبار ويبقى يأخذ مدن القناة وقلت الجمهورية تبقى القاهرة الكبرى باعتبار أنها جورنال قائم على أو قريب من القاهرة الكبرى يبقى معاه القناة الثالثة، يعني التصور كان في تفاصيل كتير يعني جدا وقلت أن دار المعارف وروزا اليوسف يتقسم بينهم الصعيد يعني يبقى فيه شمال وجنوب الصعيد وكل منطقة من دول فيها قناة تلفزيونية وفيها إذاعة وفيها موقع وتبدأ تفرخ وتعمل مناخ، بس دا طالب بالدرجة الأولى أن يبقى فيه حرية، يعني الإعلام يتحرك بحرية ونعمل بقى لكل قناة أو لكل جريدة أو لكل مجموعة إعلامية من دول نعمل لها منهج، اهتمامها بالبيئة دي نفسها لو في حاجة قومية بتطلع للبرنامج الأساسي، لو في حاجة قومية تطلع للقناة الأساسية لأنها هي مثلا أو افترضنا القناة الأولى الثانية وهكذا، التصور مكتوب بتفاصيله حتى قلت كمان تشغيله اقتصاديا إزاي يعني قلت اقتصاديا الإعلانات في إسكندرية اللي هتطلع منها الأهرام الجديدة أو الأهرام التابلويد يبقى اسمها ايه مش مشكلة قولت دي ممكن يحصل فيها تتسمى حتى الأهرام بس واخده شكل تاني وتتعرف كذا الإعلان هناك الأهرام إعلاناته هنا غالية جدا.

Speaker1: الأهرام الإعلان هناك هيبقى أقل بكثير جدا، وقلت أن لازم في عناصر شديدة الكفاءة، لكن بشرط أن يكون فيه عقل فوق بيعرف يدور كل دول، بمعنى أن نحدد بقى الأخبار مثلا هيتكلم في الشأن الإقليمي، الأهرام في الشأن الدولي، الجمهورية في الشأن المحلي. ويبقى فيه تركيز على دا كنت التصور كنت عامله في ضوءأن هيبقى فيه برلمان هيبقى فيه محليات، سيكون هناك أحزاب ناس بتتكلم بعا ما بقاش في حاجة من دي خالص.

المذيع

هل تم مناقشتك في تصورك وكان فيه نقاط مأخذ عليك.

نصر القفاص

لا، ما اتناقشناش يعني هو طلب مني التصور قدمته أعطى في وقت كبير جدا يعني وقدمته بالكامل و صمت.

المذيع

برأيك يا أستاذ نصر، يعني هل يمكن أن يمارس الإعلام دوره بحرية دون انتقاد حاد للسلطة؟ ربما السلطة تخشى أن تفتح مناخ الحريات ويكون كل الهجوم عليها.

نصر القفاص

مفيش حاجة اسمها كده يعني. احنا منفردين يعني مصر تتفرد الان بأنها بلد مفيهاش غير صوت واحد لكن فيه اكثر من صوت دا مستحيل يعني يعني أنا نفسي حد يقولي طبعا هيطلع ناس كثير يعني اللي هم يتكلموا يعني ويعني يعني يعني مش عارف أقول ايه.. ساعات بقعد اتفرج عليهم مش متصور دول بيقولوا ايه ايه اللي بيقولوه يعني مش فاهم المهم مفيش أصوات تانية خالص، يعني دا حتى اللي بيجي عايز يقول حاجة ستلاحظ أنه يقول لك السيد معالي الوزير إحنا بنقول رأي السيد حضرة الأستاذ الفاضل فخامة السيد الحضرة رئيس الجمهورية لازم يقول كثيرا كدا بيفكرون لما روحت السعودية من أربعين سنة كان عندي مشكلة معرفش مين صاحب السمو الملكي ومن صاحب السمو ومن سموه، لمكنتش أعرف فكتبوا هالي في ورقة فدلوقت بقي إحنا عندنا حضرة صاحب الفخامة الرئيس دولة الرئيس، معالي الوزير إحنا ورا كتير قوي مكنش حتى موجود قبل ثلاثة وعشرين يوليو يعني لا كان موجود أنا من الجيل اللي اتربى بيقول عبد الناصر يقول السادات وبيقول مبارك وبييقول مرسي وبيقول السيسي دلوقت أنا مقدرش أقول السيسي أنا لازم أقول حضرت فخامة السيد الرئيس السيسي وابقى يعني مبين التبجيل أوي يعني مع إن الإحترام قائم يعني حتى لما بنيجي بس لغتنا في الإعلام بنقول فلان يعني دي مسألة سهلة جدا فحتى في الكتابة بقت فخامة السيد الرئيس مين اللي قال دا يعني دا مش موجود حتى أنا مظنش حتى مبطلعش كتير على الصحف السعودية لكن مظنش إنه موجود حتى في صحف السعودية، والخليج ولو موجود إحنا سابقين دا بكتير إحنا متجاوزين دا بكتير، فإحنا متفردين في العالم العربي بأننا صوت واحد، وأعتقد من خلال اتصالاتي أنا أبقى مكسوف من الناس عندما لما تكلمني عن الإعلام المصري رغم أنه طبعا يعني عشان ندي للناس حقوقها فيه صحفيين ممتازين من كل الأجيال حتى بما فيها جيل الشباب هيلين ومبدعين وعندهم القدرات والإمكانيات الغير عادية ممكن إضافة ليها بالتدريب يبقى أحسن كتير أوي دا لأنهم ناجحين في كل حتة إلا في مصر يعني لا يوجد غير الفشلة اللي في الواجهة يعني فلان الفلاني فاشل أوي فيبقى رئيس تحرير كذا فلان الفلاني فاشل أوي يبقى رئيس مجلس الدولة كذا فلان الفلاني فاشل اوي يطلع على الشاشة فشله أوي يعني مش فاشل بس، يعني لو نص فاشل ما يطلعش يجب يبقى فاشل جدا، يعني.

هل إضعاف.الإعلام مراد.

نصر القفاص

طبعا مقصود طبعا، أما تبقى عايز تمارس السلطة وفق وجهة نظرك أنت بس تمارس الحكم تفرض كل شيء على الدنيا بالعافية ليس بالحوار حتى هيجي حد يقول لي عاملين الحوار الوطني عاملين كدا حفلات بقى لهم أكتر من سنة حفلة لطيفة يعني أنا بتعجبني أنا بتفرج عليها يعني مفيش حوار، يعني أذكر حاجة في ناس بتقعد تجتهد وتتكلم فيما يتعلق بأن الحوار الوطني سبق حصل حوار أيام مبارك حصل حوار أيام السادات حصل حوار أيام عبدالناصر، فأنا هقف عند الحوار الوطني اللي حصل أيام جمال عبدالناصر اللي حصل أيام جمال عبدالناصر كان بدأ بمناقشة حاجة اسمها أزمة المثقفين في مصر واستمرت لتسع شهور ثم انتهت بمؤتمر انعقد في جامعة القاهرة وتم إعلان فيه الميثاق اللي ناس كثير بتسخر منه وما قرأهوش وأتحدى أي حد يسخر ويقولك حافظ الميثاق. دلوقتي وعملنا عليه جلسة حوار نناقشه هندعو الله أن نرجعوا ونطبقوا يعني يا ريت يبقى ربعه بس يعني. المهم في هذا المؤتمر في حاجة ودا موجود في الجرائد وموجود في كتب صدرت الأستاذ خالد محمد خالد وقف يناقش جمال عبد الناصر فيعمل مداخلة جمال عبد الناصر يعني مؤم قناة السويس وقائد ثورة ثلاثة وعشرين يوليو والزعيم اتنين وستين أو واحد وستين رئيس الجمهورية العربية المتحدة مصر وسوريا.

لكنه كان بيحب خالد محمد خالد.

لكن يوقف يناقشه ويعمل مداخلة عشرين دقيقة ويقولوا إحنا عايزين حرية وعايزين ديمقراطية عبد الناصر. يرد عليه بسبعة دقائق فخالد محمد خالد يتحدث عشرين دقيقة. ويرد عليه بالنصر في سبعة دقائق. ويستمر الحوار بعد ذلك. وخالد محمد خالد يكتب كتير. المهم بقا دلوقتي. أنا أتحدى أن حد يعرف يوقف. يتكلم قدام وزير أو رئيس وزراء لمدة ثلاث دقائق. مش هقول قدام رئيس الجمهورية. رئيس الجمهورية. أعتقد على طول هيتقاله أقف مكانك. أنت فاهم الكلام دا أقعد ساكت أخرص يعني دا اللي يحصل هل دا مناخ؟ ده تقولي هيطلع حوار وطني أي حوار وطني أنا مقدرش أكلم الرئيس أناقشه يعني إزاي طب حتى أكتب مقال يعني لما بتكتب مقالا أنا بكتب دلوقت مبكتبش غير في الفيسبوك ممنوع من الظهور ممنوع من الكلام، ممنوع من كل حاجة ممنوع من مكافأة نهاية الخدمة وكنت ممنوع من المعاش وجالي المعاش بالصدفة يعني ورئيس الجمهورية يعرف دا كويس يعني أنا بقول لحضرتك دا ورئيس الجمهورية شخصيا عارف اللي أنا بقولهولك كويس.

لماذا منعت؟ يبدو أنني أنا فيه عيب أنا معرفش ممكن أكون مثلا صحفيا ضعيف شوية ولاحاجة وممكن يكون دمي تقيل وممكن يكون فيه حاجة بتتصفى معايه، أنا مؤمن بأن خمسة وعشرين يناير ثورة، أنا مؤمن بأن ثلاثين يونيو ثورة ولن أغير قناعاتي والدستور قايل إن \ي ثورة ودي ثورة؟ أنا أحترم الدستور وأقدره وأعرف معناه، أنا شايف أن الناس مبتحترمش الدستور ومش هقول حاجات كدا كتير فيها حتى بما فيها حفلات الحوار الوطني محدش بيقول الدستور بيلزمك تعمل انتخابات المحليات معملتهاش وبعدين الدستور حلف عليه رئيس الجمهورية أنه أقسم بالله واحترم الدستور ومنتخب أربع سنين فالدستور اللي أقسم عليه الرئيس أربع سنين تم مد فترة الحكم الستة، أنا انتخبت الرئيس لأربع سنين، فوجئت أن الرئيس بيقعد ستة الدستور بيقول دورتين ففوجئت أن التعديلات الدستورية بتديله بقى ثلاثة ويمكن يبقى أربعة أو حاجة زي كدا هو وكل الناس أنا مش بتكلم علشان حاجة فهي دي الصورة يعني الوضع، وبعدين المشكلة أن الدنيا كلها فاهمة. الدينا كلها بتناقش له.

المذيع

لكن الإعلام القوي يعني يروج لرؤية السلطة لقضاياها يدافع عنها. يعني كيف تضعف السلطة؟ الإعلام وهو المتحدث بلسانها.

نصر القفاص

يعني في مؤتمر من المؤتمرات التي كان بيعملها الرئيس اللي هي مؤتمرات الشباب. كان المؤتمر اللي انعقد في القاهرة الجديدة وكان تقريبا قبل الرئيس ما سافر كنت حاضر المؤتمر دا وتم مع استعراض قدام الرئيس أن دي دراسة اتعملت داخل رئاسة الجمهورية في مطابخ رئاسة الجمهورية، فقالوا أن الناس تتابع التواصل الاجتماعي، قد ايه الإذاعة قد ايه، الصحافة قد ايه، الإعلام قد ايه هذا الكلام محتاج يتناقش اللي هم قالوه قدامالرئيس اللي معمول في دراسة يعني ما فيش نسبة متابعة، التواصل الاجتماعي طاغية جدا، نسبة متابعة التلفزيون قليلة جدا وقلت أكثر متابعة الإذاعة قليلة وقلت أكثر فهي الفكرة، أنا بقول لحضرتك الدولة احتقرت الإعلام واحتقرت القائمين على مهنة الإعلام احتقار ودا كلام مش بقوله جديد، أنا قولته قبل كدا في مقال كان عنوانه اسمعني يا رئيس الجمهورية فأنا متأكد أن الرئيس أرى المقال دا قولت أنه بيحتقر الإعلام، بيحتقر الثقافة، احتقار شديد جدا في السنوات الأخيرة ما تقول ليش أن الفنانين المصريين يبقوا بيجروا بشكل مهين أوي أنا مع أنهم يذهبون السعودية وراء الإمارات ويروحوا كل حتة أنا مش ضد دا يعني وبنشكر السعودية ونشكر الإمارات ونشكر كل حته إنها تقدر الفن المصري لكن ميروحوش بالشكل المهين ده والسعودية متفرضش علينا ونحن نخش معاهم في منافسة في حاجة اسمها شاكوش وحاجة اسمها مش عارف اسمه بيكا. وحاجات أنا معرفهاش يعني الحاجات دي أنا معرفهاش بصراحة يعني ببص عليها لما بلاقي الناس مشغولة بيها أوي، فلما بيلاقونا إحنا بنقدم دا يأخذوه ويقدموه يعملوا له وبعدين أبص آلاقي فنان طالع ببتاع بلوزة والآقي فنانات تقول أنا كان نفسي الراجل اللي هو المسؤول عن الترفيه ده اللي هو الشيخ تركي الشيخ كل الناس يعني يعني يا سيدي أحترمه أنا بقولك متحترموش يعني قدره أنا اشتغلت وأعرف سعوديين كثيرا وأعرف إماراتيين وأعرف قطريين وعرب نحترمهم ونقدرهم مبقولش مش معني إني محترمش أنا اشتغلت مع في الخليج يعني كثير نحترمهم بس منبقاش كدا متهافتتين كدا منبقاش منهارين كدا ومطلوب بروزتنا كذا، ويتقال على دول فنانين مصريين ويتقال عليهم النخب، لا لا منظر وحش منظر وحش والدولة شايفها ومش هنا.

المذيع

هل الرياضة أصبحت حاليا للإعلام الخليجي سواء في الأخبار أو حتى في الدراما؟

نصر القفاص

فيه محاولات طبعا والقوة الأكبر دلوقت بقت في الخليج طبعا لكن مش دائما صعب يعني إنها تبقى دائمة لأن الريادة في مجالات الفن والثقافة بتراكم سنين، مش تتعمل بأنك يبقى معك فلوس تعمل حفلات كثيرة يعني مثلا باستثناء تجربة القطرية وأنا يمكن من الناس اللي بتنتقد كتير قوي الجزيرة وما اتعاملتش مع الجزيرة خالص يعني، لكن قطر فيها تجربة إعلام لما نيجي نتكلم إعلام بس.

Speaker1: فهي تجربة إعلام شديدة التميز من أول ما كانوا بدأوا يحطو أنفسهم على أنهم يعملوا مجلة الثأر في الرياضة، وبعدين بعدها عملوا مجلة الدوحة في الثقافة وامتدت المسألة لحد ما عملوا الجزيرة. وبعدين الامتدادات بتاعت الجزيرة والدي كونتري الي عملينها رائعة وأنا من المدمنين مشاهدتها يعني بغض النظر عن أي شيء دول أسسه من زمان أو وضعوا أساس ومشيوا في المجال دا كثير، مش هتلاقي دا في السعودية رغم أن السعودية عندها إمكانيات كتير هي السعودية كانت عندها ال ART يعني الي هيا بين سبورت دلوقتي قطر خذتها وعملت بها حاجه كبيرة جدا فهذه تجربة متميزة وأنا معنديش شيفونية معنديش شيفونية يعني إني أنا أقول أنهم كانوا عنيهم على التجربة المصرية في الإعلام في الخمسينات والستينات كان لمصر تجربة استاذ نصر يعني في وكالة أنباء الشرق الأوسط مصر عملتها وتسيدت بيها في مجال الأخبار، لكن أين هي؟ يعني لماذا لم يحدث للطرفين أن نتجاوزها الزمن في الأهرام. في الأخبار. في الجمهورية. فين روزاليوسف؟ هيقلولي موجودين ومباني وعمارات فخمة وبتاع دا اه صح؟ لكن فين الذي الي اتكتب فيه لأنه استندوا إلى خرافة يقول لك أصل هذا زمن الإعلام الإلكتروني. طب احنا فين المواقع الإلكترونية؟ إلا إذا كانت بها تجارب خاصة وتتحارب. يعني أنا شايف في مواقع كتير بتقفل في مصر على فكرة وفي مواقع بتقفل اللي فيها اجتهاد خاص يعني، لكن المواقع التي تبع الدولة يقولولي قيمتها ايه طيب وزنها ايه الصحف بره لما باجي أفتح التليفزيون اتابع بلاقيهم كل القنوات الفضائية في العالم بتنقل أعلن نيويورك تايمز عن الواشنطن بوست عن البايس في أسبانيا علمود عن الليبرالسي عن كل صحف العالم. يعني إذا الإعلام بيبقى قايم على الصحافة أما طلع الترانزيستور ملغاش الصحافة بالعكس قوى الصحافة لما التلفزيون على يومي الاثنين قوي بعض، أما هلأ التواصل الاجتماعي مفروض كدا لكن احنا عندنا صحافه مفهاش حد بيكتب أنت تجيب واحد أو اثنين أو ثلاثة لهم كل التقدير لكن انت حاطتهم في إطار ما يقدرش يكتب.

نصر القفاص

يعني في ناس أنا بسمع ارائها لما أعد معها أراها ناضجة جدا ورائعة جدا وواضحة جدا لكن ما يجي يكتب بيكتب في الإطار المطلوب. وبعدين دلوقتي كله بقى يكتب في الأهرام ولا ورق وجمهورية ويوم نشر مقاله على التواصل الاجتماعي. أبجديات العمل أنك متعملش كدا أبجديات العمل أن المقال المكتوب للأهرام لا ينشر في أي مكان إلا لو الأهرام نشرته لكن هو بيقوم واخد المقال مجرد ما يعرف أن يكون الجورنال اطبع يقوم نشره على التواصل الاجتماعي في يتقرى. على التواصل الاجتماعي أكثر من الجورنال. أنا عايز أعرف أرقام توزيع الصحف في مصر، يمكن تعرف مش هيقولك لأنها فضيحة أنا يعني أنا دلوقتي في ناس كثير تسألني تقولي هو من رئيس مجلس إدارة الأهرام أو من رئيس تحرير الأهرام هو حضرة الباشا، الأستاذ رئيس كذا، يا أنت الناس كلها عرفه شكل إبراهيم نافع وأعرف سمير رجب الي هو كان يعني حتى أقل واحد يعني عرفه إبراهيم سعدة عرفه. مكرم محمد أحمد عرفه صلاح منتصر كل الدنيا ومن قبلهم ومن قبلهم ومن قبلهم دلوقتي هم مين ما بتشفهومش يعني دلوقتي أنا بشوفهم بتفرج عليهم لما يجيبوهم ويرسوم قدام سيادة الرئيس يعني. واللي هو يسأل سؤال يعني سيادة الرئيس يعني بعد إذن حضرتك سيادة حضرتك ف يقوم قايل أي يعني مشروع حياه كريمه عظيم يا فندم مثلا دا سؤال أنا ما معرفش يعني أنا شفت مرة رئيس مجلس إدارة الأهرام واقف قدام الرئيس بيقول أنا باسم كل أنا قاعد في بلد ريفية وباسم كل هناك بشكر حضرتك على الحياة كريمه، دا سؤال أنت رئيس مجلس إدارة مؤسسة بتشتغل صحافه وجاي قدام رئيس الجمهورية والرأي العام بيتفرج عليك، فتقوله أنا باسم كذا يعني عضو المجلس المحلي يقول الكلام دا لكن ومش عضو المجلس المحلي كمان دا رئيس المدينة اليي هو التنفيذ، لكن عضو المجلس المحلي يقول يتكلم منتخب أنت عمرك شفت في العالم برلمان ضد الشعب، البرلمان بينتخبه الشعب علشان يدافع عن الشعب، البرلمان نازل تصديق على الضرائب ليل ونهار، تصديق على كل حاجة، هو مش برلمان لأنه في الفترة التي أجريت في هذه الانتخابات أنا كتبت سلسلة مقالات كانت عنوانها نهاية مستنقع وطن وقلت أن الذي يحصل في تشكيل البرلمان والذي هو مجلس النواب والحمد لله أنهم سموا مجلس النواب لا هو مجلس الشعب ولا هو مجلس الأمة هو بقى مجلس النواب بتاع النواب بقي يقعدوا مع بعض ومجلس الشيوخ مش مجلس الشورى يعني لا يشير حتى على حد فخلاص الشيوخ يا عضو مع بعضها فكتبت عن فكرة اتفاق القصد الجنائي أن حصل نوع من أنواع تقسيم التورتة مستقبل وطن هياخد كذا حماة الوطن هيأخذ كذا، الشعب يأخذ كذا، فلان يأخذ كذا، قسموها ودول اللي إحنا هندخل بهم ودول اللي جم بقا فتيجي تبص تلاقي أربعة نواب بيرحوا يضربوا الناس في نقابة المهندسين نواب اللي هو سيناتور يعني اللي هو لم بيجي عندنا نائب النائب الأمريكي فلان الفلاني يستقبله الرئيس بحالة حبور وسعادة وميرضاش النائب يقابل رئيس الوزراء، يعني عمرك سمعت عن نائب أمريكي جه هنا يقابل رئيس الوزراء يقابل رئيس الجمهورية بس فده يساويه عندنا أو يساوي النائب في البرلمان الفرنسي أو النائب في مجلس العموم البريطاني، النواب هناك عمرك سمعت عن نائب هناك يروح يضرب الناس ينهار اسود دي كارثة في القرن الواحد والعشرين.

المذيع

يقول لك فلان الفلاني وفلان وفلان وفلان الفلاني

نصر القفاص

بالأسماء، فتيجي تبص على الأربعة كده الأسماء لا لازم يعملوا كدا مين اللي دخلهم، ثم تمد الخط على استقامته فتلاقي أن سيادة حضرة سيادة الوزير كامل الوزير وحضرة سيادة الوزير وزير الري رايحين لنقيب المهندسين. يقولوا له باسم الرئيس بننقل لك تحيات الرئيس. يعني بيقول للمهندسين تعالوا يعني نلم الموضوع ونطلع البلطجية دول من المأزق، البلطجية اللي هم نواب نواب وصورهم منشورة ويعني شيء مفزع، ودا كان أخر مقال يمكن كتابته اللي هي إعلام أخرس ما حصلش حاجة خالص في مصر الواقعة بتاعت الشهيد البطل محمد صلاح العالم كله كل القنوات تذيع فول تايم يعني مفيش بقا أخبار خلص واقعة محمد صلاح وكله بيذيع كل كل الدنيا عربي انجليزي فرنساوي والقنوات العربية وكله إحنا مفيش حاجة محصلتش مش عندنا كأن مفيش وطلعوا إخواننا اللي حضرتك بتقول عليهم الإعلام يعني والسلطة والحاجات اللي هي محصلش حاجة يعني إزاي.

المذيع

هل الإعلام القوي ومؤسسات الدولة القوية خطر على السلطة التنفيذية؟

نصر القفاص

بالعكس خالص كان يبقى الإعلام القوي خطر على السلطة في أمريكا الإعلام دا إعلام ضخم جدا تعالا تابع الإعلام الروسي يعني أنا من مدمني قناة أر تي، الرئيس الروسي بينتقد نفسه اليوم كان في مؤتمر صحفي بيقول أخطأنا في كذا وقصرنا في كذا وعملنا كذا وخسايرنا كذا وقاعد معاه المراسلين الحربيين بيسألوه الواحد بيقولوا أنا عندي أربعة أسئلة وبيقعد يقول السؤال براحته، والرئيس الروسي قاعد بيسمعه قاعد معاهم لمدة أكثر من ساعتين منقولة، فدا إعلام بيقوي روسيا مبيضعفهاش دا حتى في الصين مفيش كدا.. في الصين بقا فيه انتقاد على فكر الصين نقلت على الهواء واقعة إقالة رئيس الحزب السابق، ويتقالوا لو سمحت اطلع براء على الهواء وشفناه واتفرجنا عليها، مفيش اللي عندنا دا خالص يعني إلا ربما يكون موجود في عند مثلا الرئيس الديمقراطي العظيم الثاني قيس سعيد؟ طبعا دا أستاذ قانون دستوري أيضا بيقولوا عليه، وبعدين هيقعودوا يقولوا لي بقا حكاية مدني وعسكري اهه مدني جميله اهه أستاذ جامعة منتخب بيمارس يعني أنا مستغرب منه على جرأته في أن يعمل اللي بيعمله في تونس، بستغرب يعني فحاجة الإعلام الإعلام القوي يعكس سلطة قوية، الإعلام الضعيف يعكس سلطة ضعيفة، وهناك واقعة ذكرها سيد مرعي في أوراق سياسية التي نشرت في ثلاثة أجزاء عن لما خد مع أحمد سعيد في بريطانيا في وفد برلماني وهو ذاكر ملابساتها وأنا نشرتها فوجئ أن الوفد كله ما حدش يتكلم عنه والصحافة كلها تتكلم عن أحمد سعيد وناشرين صورته وعدو بريطانيا الأول أنت بتتكلم في إيه؟ دا إعلام قوي. أحمد سعيد اللي بعض الناس بتقعد تتريق عليه دا كان واحد من أهم ما أساتذة الإعلام المصري. طيب أحمد سعيد يقول لك كان بيقول بيانات النكسة اللي هو كان بيقول البيانات بتاعت الدولة يعني يعني زي أي مذيع بيقول نشرة بيتحطله النشرة من حق الدولة طبعا تبقى عندها النشرة فيها وجهة نظرها أنا مبقولش لأ دلوقتي كله بيقول كده كله بيقول وبعدين بقت عادي جدا إنك يقول لك إعلام سامسونغ ولا كأن حاجة حصلت. مفيش شي مهين.. بيعالجني فيه إدوارد الخراط، بيقولك لو حاولت أن تفكر فيما يدور حولك لا أصابك الجنون.

المذيع

ما مأخذك على الحوار الوطني، والبعض يرى أنه يعني ربما يكسب مساحة ما من الحريات، مطالب الشارع، مطالب السياسيين، الأحزاب يعني وأبرز المطالب اللي حققها إعادة الإشراف القضائي على الانتخابات مرة أخرى وقدم المقترح للرئيس؟.

نصر القفاص

طيب. حلو.

المذيع

ما مأخذك على الحوار الوطني؟.

نصر القفاص

لا أنا معنديش. أنا بقولك حفلات حلوة لذيذة بشوفها وأشوف الصورة. يعني ناس قاعدين ومبسوطين وبيقعودوا يقولوا سيادة الرئيس برده وبتاع والحكومة ولها إنجازات وحاجات كدا عظيمة. أنا معنديش مبفكرش فيهم كثير يعني يعني. لكن هيوصلوا لايه.

المذيع

لو أن لك مقترحات ما هي هذه المقترحات؟ لو أنك تقدم مقترحات للحوار الوطني أو مطالب؟.

نصر القفاص

الإعلام تترفع يد الجهات الأمنية عنه أو على الأقل ترجع لورا شوية زي ما كانت أيام مبارك مثلا لو حصل كدا مع إن إحنا مكنش بيعجبنا دا.. يعني كنا معترضين على بس ترجع ورا شوية، يعني ميبقاش الأحزاب يرفعوا أيديهم عن الأحزاب، مسألة أن أي حد بيقول رأيه ميتمسكش.. يعني أنا قضية المهندس يحيى حسين عبد الهادي ومنشورات علنية ولا منشورات سرية، حاجة كده في منتهى الغرابة مع إن الراجل بيكتب بأدب شديد وباحترام شديد وبتقدير شديد، لكن هو مؤلم، أنا عارف أنا عارف أنه مؤلم، لكن اللي موجودين في الحبس الاحتياطي متقعدش تطلع فيهم بالقطعة أنت بتطلع بالقطعة ليه اللي ارتكب جريمة يتحاكم عليها ونخلص يعني أنا مبقولش حاجة غير كدا يعني إنه يتكلموا عن حجم الفساد، العائلات اللي بقت بتحكم مصر في كل المواقع محدش بيفتح بقه خالص في دي يعني في عائلات بتحكم مصر في وزارات وفي هيئات فيه كوارث، هل الحوار الوطني حدد الأستاذ المنسق العام للحوار الوطني مبحبش أذكر أسماء يعني قال في ثلاثة خطوط حمراء، فالخط الأحمر الأول والخط الأحمر التاني الأول للدستور الثاني قال الأمن القومي الثالث قال السياسة الخارجية.

المذيع

طيب نتكلم في ايه بقا في طريقة عمل الفراخ بالمكرونة البشاميل مثلا ولا ايه يعني لما ما اتكلمش في الدستور الدستور طب ما الدستور أنتم اتكلمتوا فيه أنتم لعبتم في الدستور وغيرتوه وعدلتوه.. ليه منتكلمش فيه في الحوار الوطني.. ونقول إنه مبيحترمش في الدستور وإزاي منقولش 25 يناير إنها تخريب ونتكلم عن ثلاثين يونيو ونقول إنها خسرت مصر 450 مليار إزاي لازم اتكلم في ده يعني ما اتكلمش في ده.. مياه النيل يقول لك الأمن القومي، إحنا عارفين إن الأمن القومي في إيدين أمينة، أنا مقولتش أن مش في إيدين أمينة يا سيدي.. أنا مبعترضش والله العظيم أنا أحترمها جدا هذه الأيادي لكن يشرحون لنا يقولوا لنا ايه اللي حصل في موضوع سد النهضة محدش بيقول يقولوا ايه اللي بيحصل في ليبيا، إحنا مكان بتاعتنا فين في ليبيا يعني إحنا قولنا خط أحمر، يعني سيادة الرئيس قال خط

نصر القفاص

أحمر، طيب وبعدين ايه اللي بيحصل بقا في ليبيا طب ايه اللي يحصل في السودان؟ دا السودان بتتحل في جدة وإحنا مش هنا خالص.. الإعلام بتاعنا لذيذ وإحنا والسعودية ناس طيبين وأمراء وحلوين يعني إزاي كدا يعني تقولي حوار وطني وبعدين السياسة الخارجية منتكلمش فيها طب اتكلم في ايه طب تكلم في ايه طب اتكلم في المحليات عايزين ننتخب محليات طباتكلم في انتخابات البرلمان التي تمت بالشكل اللي حاصل ده وطلع حزب مستقبل وطن اللي كان عنده سبعة وأربعين كرسي بقا أغلبية كاسحة داخل البرلمان اللي بعدها من غير أمارة مفيش فيه نائب واحد، أنا ماأعرف مين رئيسه والله يعني بيقولوا رئيس حزب مستقبل وطن اللي هو رئيس مجلس الشيوخ ورئيس الحزب خفضوه بقا نائب رئيس الحزب وبيقولوا عليه زعيم الأغلبية فين الأغلبية دي؟ طيب طيب هي فين الأول فين الأقلية؟ مفيش أقلية دا خمس ست أصوات عاملين لهم صداع يعني لما يجي الحوار الوطني عايز يناقش يقول إن الحقيقة أنه مفيش برلمان في مصر وأن هذا البرلمان تم تشكيله بتواطؤ على الشعب وباتفاق اتقال سنة خمسة وعشرين باتفاق القصد الجنائي، يعني أنا أنقل عن ما حدث سيد خمسة وعشرين مفيش جاجة اسمها مجلس الشيوخ والحوار الوطني وهو منعقد يحدث ما يحدث في نقابة المهندسين يطلع حد يقول بيان إننا بنرفض ده باسم الحوار الوطني ويقولوا المنسق العام للحوار الوطني ماقلش مفيش حد نطق بيتي أناقشه كما لو كان هذا يحصل في موزمبيق أو بيحصل في بلجيكا مثلا ملناش دعوة بده إزاي.. يعني أنت حضرتك بتقولي معترض على ايه.. معترض أن حفلة أو قاعدة زار حفلة بتاعت ناس طيبة يعني حلوين ويقول لك هيبقى فيه أمل إن شاء الله في الحريات وبتاع.. طب ما إحنا عارفين الموضوع.. الموضوع كله علشان تتعمل الانتخابات رئاسية. ونخلص طب وليه الدوشه دي كله. وفيه حوار وطني يتم مش مكتوب عنه مقالات في الصحف يعني اللي الموجودين فيه متسيبش لهم، اللي الموجودين فيه مفيش صوت معارض يطلع يقول لا أنا معترض أو أنا محتج أو أنا متحفظ. على الكلام الذي قاله منسق الحوار أقول بس أنا مش عايز حاجة، أنا مش هنفذ كلمتي بس أقول أنا متحفظ وتذاع على الشعب ويتقال يتقال أن هو مين اللي بيطلعوهم على الشاشات دول والناس اللي ممنوعة دي كلها كتير ليه.. يعني أي حد مهمش ضامنين هيقول ايه على الشاشات أو هيكتب ايه في الجورنال مبيطلعش اللي هو بيسموه اللي جرى العرف عليه اسمه إعلام سامسونغ وأنا أذكر كويس جدا وكانت حاجة مذهلة لما كتب الدكتور أيمن منصور ندا مقالاته واتجرجر على المحاكم (أعلام البغال).. واتبهدل ودخل الحجز وصوروا يعني مش عارف إيه، ووصلت الأمور إلى التدخل في حياته الشخصية ومنعه من دخول الجامعة، ثم الفرض عليه بالاعتذار بشكل شديد مهين جدا.

نصر القفاص

أنا صعب عليه لأني ساعتها مكنتش أعرفه وتبنيت قضيته. ودافعت عنه كثيرا وبعدين لما لقيته بيعتذر هذا الاعتذار المهين زعلت مش منه والله زعلت عليه وعلى حال البلد وأنتم مفكرين إنكم تعملوا دا عامل زي ما تكون حاطط لي مسدس بتقولي أعتذر مصر التي أنتم كنتم بتنتقدوا وضعها في الخمسينات والستينات وأنه كان فيه الرقيب ومصادرة الحريات، ففي خلال الخمسينات والستينات طلعت كل المسرح أعظم مسرح في العالم العربي أعظم سينما في العالم العربي، أعظم صحافة في العالم العربي، أعظم كتاب في العالم العربي والعالم العربي كله بيقولك إحنا اتعلمنا من ده طبعا أعظم شعراء كانوا موجودين، أعظم كتاب كانوا موجودين في الخمسينات والستينات أيام الديكتاتورية. إحنا بقى في أيام الرية اللي بنرفل في نعيمها دلوقتي فيه فلان وفلان وفلان وفلان وفلان دون أن أذكر أسماءهم حتى مفيهمش شبه من الأراجوز، والأراجوز يضحك، دا يبكيك يبكيك. وبعدين كلهم دلوقتي بيبقوا فرحانين أوي أن يبقى طالع لابس الساعة زي ساعة حضرات السادة الكبار الوزراء يعني والمسؤولين بيلبسوا ساعات غالية أوي كدا يعني ميعفوش أن فيه شباب ويقوم لاقط الساعة وعارف ثمنها ويكتب لهم على الفيسبوك دي ثمنها كذا ألف دولار دي ثمنها كذا ويتكلموا الناس يقول لك يستحمل علشان البلد.

نصر القفاص

انا اعرف ناس منهم كانوا مبيعرفوش يلبسوا شبشب. أنا أعرفهم كويس جدا وهم عارفني ولم يتفرجوا عارفين يعني وأعرف أنهم يعني وفي ناس منهم اشتغلت معايا كتير يعني وكنت في مواقع يعني اللي اشتغلت فيها. ايه دا وساعات ويكلموني عن ملايين ملايين كتير أوي الله يبارك لهم بس جابوها منين من اللي الهلفطة دي هي الهلفطة دي تعمل ملايين نجم نجوم الإعلام الإعلام يعني عبر قناة سعودية..

المذيع

هل السلطة تخشى فتح المنابر الإعلامية يكثر انتقادها، يعني يحدث ما حدث في خمسة وعشرين يناير أو ثلاثين يونيو يعني بين خيارين كلاهما مر..

نصر القفاص

لا سيادة الرئيس قال لو مش عايزين والله من غير ما تطلعوا هنمشي إحنا دلوقت موجودين في اللحظة التي إحنا فيها دي. الفيصل بينا وبين بعض نكلف واحدة من دور استطلاع الرأي العام أو شركات الأبحاث تيجي تعمل بحث أو استطلاع رأي عام وتقول الناس عايزينك ولا لا.. بس مش عايزين حاجة غير كدا..أنا بتكلم عن إذا ما فتح المناخ العام للحريات.

نصر القفاص

الرئيس قال أنتم لو مش عايزني أمشي. تقفل المناخ العام وتقفل كل العنين وكل الدنيا بالشكل دا. طبعا علشان خائف علشان ايه هتقول لي علشان الأمن والاستقرار هو الأمن والاستقرار. موجود في مصر بس هي أوروبا مفيهاش أمن واستقراره. ولا ايه هتقول لي علشان نبقي زي ما كانوا بيطلعوا يقولوا نبقى زي ليبيا أو زي العراق الله. دا في كل الدراسات اللي صادرة عن الهيئات الدولية ليبيا والعراق وسوريا والحاجات في مراكز متقدمة عننا النهاردة بيعلنوا أن اليمن عندها احتياطي من القمح 4 شهور ومبتزرعش يعني اليمن ما عندهاش نهر النيل، هتقولي علشان نبقى زي ليبيا وسوريا والعراق.

نصر القفاص

أنا عايز ابقى زي العراق بصراحة العراق فيها كام قناة فيها كام جورنال.. أنا عايز ابقى زي ليبيا فيها كام جورنال فيها أطراف حتى إن كانت بتحصل صراعات داخلية في إطار صراع سلطة وما اتسواش لكن فيه مناخ حرية موجود. أنا عايز أبقى مثل السودان، عندي جرائد مثل السودان، أنا عايز ابقى زي تونس أنا عايز ابقى زي الجزائر، طيب خليني زي المغرب مش أقولك طب خليني زي السعودية لأن السعودية إعلام حضرة صاحب السمو وكدا يعني فمش هيقول غير سيدي وحاجات من دي.. دا شيء طبيعي يعني إما يبقى نظام الحكم هناك بالشكل دا وموفرين لشعوبهم الرفاهية دي خلاص هذا شأنهم أنا مبدخلش فيه لكن عايز ابقا غزة أريد إعلامنا يبقى مثل غزة أو الضفة الغربية مش هقول بقا زي إسرائيل وما يصح أشطح وأقول عايزين بقا زي تركيا لأنه كدا بقى أنا ابقى بتجاوز يعني التجاوز غير طبيعي ما إحنا قاعدين بنتفرج، شوفنا رئيس الدولة اللي هو قاعد بيحكم بقاله اثنين وعشرين سنة ومشوفتش واحد بيخدش واحد وتابعتها كويس على الهواء.. ما إحنا شايفين رئيس دولة في الولايات المتحدة الأمريكية وبيتحاكم وحاجات زي كده فيه قانون فيه قانون يحكم قولي القواعد بتاعتك ايه وطبقها عل الجميع بما فيهم أنت. يعني بس هي الفكرة كا كلها. لكن هنقعد نقول أصل السلطة خايفة ليحصل خمسة وعشرين يناير إذا كانت السلطة خائفة ألا يحصل خمسة وعشرين يناير في أسباب تؤدي إلى خمسة وعشرين هيحصل ونقطة ومن أول السطر إذا كنت خايف من أنت أنت بتغلي في مياه وقافل الحلة اديها نفس.. حسني مبارك في اعتقادي حكمه طال 10 أو 12 سنة بسبب نفس الحريات دخ.. فيعني كل دا حصل طال عمر حكمه. لكن أنت قأعد هذا الضغط الشديد على الصحافة وعلى الشعب وعلى المسؤولين. كل المسؤولين بشوفهم واقفين شكل مش كويس لا يليق حتى بسيادة الرئيس، إنهم واقفين قدامه بيترعشوا ويقوم عاملهم كدا ساكتين، ما إحنا بنتفرج على رؤساء. ما إحنا بنشوف التلفزيون بنشوف رئيس أمريكا وجانبه بلاش أمريكا بنشوف السودان مش معقول كدا يا جماعة يعني اللي هو رئيس وزراء قاعد كل حاجة بيقول أيوه كل حاجة يقول صح وهو اللي يعمل الغلط وبعدين يرجع يقولوا عليه غلط مش موجود رئيس وزراء مش موجود في أي حاجة في أي حاجة، رئيس وزراء مش مسموح له يتكلم في الدستور ولا في الأمن القومي ولا السياسة الخارجية، دا يبقى رئيس وزراء.

المذيع

لكن لك تجربة في العمل الحزبي؟ كيف تقيم هذه التجربة أو العمل الحزبي في مصر؟.

نصر القفاص

أنا تجربتي في العمل الحزبي كان عرضوا عليها، كان ساعتها السكرتير العام للحزب، كان الدكتور عصام خليل، وكان رئيس الحزب أحمد سعيد، وجالي عصام خليل قال لي أنه هو جاي مكلف يعني من نجيب ساويرس كان عامل حاجة اسمها مجلس أمناء يعمل زي المرشد الأعلى، يعني نجيب ساويرس (دا حزب المصريين الأحرار)، الحزب المصري الأحرار وقالي وتنضم وحاجات زي كدا وبعد كدا اتناقشت معاه فيه حاجتين تلاتة، لذا فقال لي أنت هتنضم تبقى عضو هيئة عليا على طول وعضو مكتب سياسي كمان فانضميت. تصور أنت الحكاية دي أنك تروج تكتب استماراة حزب تبقى عضو هيئة عليا وعضو مكتب سياسي.

مش وحش أشوف التجربة يعني فكان المناخ ساعتها يعني لسه مكنش انتخب أول برلمان والرئيس كان منتخب جديد وكان الرئيس بيقول الكلام حلو قوي والناس كلها كانت ملتفة حواليه وأنا كنت منهم يعني مقدرش أن انا أقول ماكنتش منهم ناحيته جدا يعني إلى أن حدث تعديلات في الدستور خلاص الموضوع انتهي طالما تلعب في ده يبقى المسافة بقت واسعة بيننا يعني نتواصل و نحترم بعض ونقدر بعض، وحاجات زي كدة لحد ما يعني إذا قرروا أنهم ياخدوني ف هروح يعني مفيش مشكلة خالص يعني تجربة الحزب أما دخلت وكان في حياء وحزب المصريين الأحرار في الفترة دي خد الأكثرية خد خمسة وستون مقعد ومستقبل الوطن خد سبعة وأربعون مقعد، وكان في مناخ في البرلمان، وساعتها كمان كنت اشتغلت برنامج البرلمان، المهم هو الحزب مكانش فيه شغل حزبي، كان هناك نجيب ساويرس يعني هو البابا كدة يعني ويروحله عصام خليل و حاجاتكدة أنا من الداخل وأخرين معايا كان مش عاجبنا الوضع ده يعني عصام خليل ييجي ينقل لنا تعليمات نجيب ساويرس وبعدين يأخذ مننا ونقعد مرة اجتماع ولا حاجة ونجيب ساويرس يقول لك عايزين نعمل كذا فيبقى كلامه يمشي يعني ده كان كلام مش عاجبني ف من الداخل أنا مع أخرين معجبناش الوضع ده مررنا عليه وانتهينا إلى صيغة اللي هي عملت أزمة حزب المصريين الأحرار ويتعمل مؤتمر عام للحزب، المؤتمر العام قرر تبني وجهة النظر اللي احنا كنا شايفينها واللي انحاز لها عصام خليل للأمانة وبعدها أجريت انتخابات وتم انتخاب عصام خليل رئيس حزب وأنا أمين عام حزب وبدأت أعمل البناء الحزبي في خلال خمسة اشهر شكلت ثمانية عشر محافظة بالكامل، تشكيلات ايديال شكلت أربعة وستون اسم ومركز وفوجئت بأن بالليل كدة كنت في إسكندرية في زيارة أمانة الحزب رجعت قالوا عزل الهيئة العليا تعزل فلان الفلاني، أنا يعني الناس كلمتني قالوا لي ده بيقولوا كذا قولت لهم ازاي يعني فقالوا ده بالتمرين لا يجوز لا حيا لا يجوز يعني يعني ما ينفعش ف كنت بلبس ونازل الحزب ساعتها قمت قالع وقاعد وبناء عليه حصل مداخلة واحدة، مداخلة واحدة عملها معايا الزميل العزيز محمد دسوقي رشدي ويبدو مكانوش عارفين يوصلوا له أو معرفوش يفرضوا عليه وقلت له اللي حصل ورد الأخ عصام خليل قال كلام كدة لطيف يعني.

وقابلت أحد قيادات الأمن الوطني وقال لي أنت كنت عايز تعمل حزب بجد، قلت له اومال انا بهرج ولا ايه أنا ما بكسبش من العمل السياسي، أنا بشتغله مجانا ومخدتش منه حاجة ومش عايز كرسي، لا ترشحت للبرلمان ولا عايز ولا أي حاجة، قال لي يا راجل تعمل حزب بجد ايه يعني وإن يعني هيبقي فيها تجاوز وقلت أسم يعني لكن ممكن يكون هيشوف طالع أمن وطني هيبقى هو عارف يعني قلت له اه طبعا كنا عايزين نعمل الحزب بجد قال لي لا يا راجل وازاي وانتهي حزب المصريين الأحرار مبقاش موجود، معنى ذلك أن طلب العزل كان من جهات أمنية؟.. أعتقد اه لأني أنا كنت كتبت حاجة ودي اللي عملت أزمة كبيرة يعني تلميحا وليس تصريحا ضد مسؤول في مصر حاليا تقريبا يمكن أن تمس الرئيس ولا تمسه. هذا المسؤول؟ كل من يقترب منه تتدمر حياته وتتوتر حياته. يعني فأنا كنت كتبت تلميحا وليس تصريحا ضده.. الحياة الحزبية في مصر الأن بما تصفها. لا انا انسف تخلص من حمامك القديم يعني احنا أحزاب ما قبل الثورة كان فيها أحزاب بجد لكنها كانت ضعفت وترهلت قبل ثورة ايه؟ خمسة وعشرون يناير ولا اثنان وخمسون لا اثنان وخمسون، يعني ثورة خمسة وعشرون يناير لم تكتمل وثورة ثلاثين يونيو لم تكتمل، يعني هي حصلت، وبالتالي بعض الناس يقولك هي مش ثورة هي انتفاضة ممكن يكون ده كلامهم، لكن أنا مقتنع بأنها ثورة لسبب لأنها هذه الثورة هدت نظام مبارك بالكامل، والثانية ثورة هدت نظام الإخوان بالكامل ف طالما ثورة بتهد نظام يبقى ثورة لكن المفروض تكتمل بأنها تبني نظام لا دي أتيح ليها تبني نظام ولا هذه أتيح لها تبني نظام يعني حتى ثلاثين يونيو مابنتش نظام خالص، ما فيش حاجة اسمها نظام ثلاثين يونيو يعني اللي هو زي ما بيكلمونا عن الجمهورية الجديدة أنا ما أعرفش ازاي يعني هل هي أخر موديل مش عارف يعني ايه المنهج بتاع الجمهورية الجديد في الاقتصاد يعني مثلا المتبنيين الاقتصاد الحر، الاقتصاد الاجتماعي اللي هو قائم على أن الدولة تبقى موجودة في بعض الأشياء وتتخارج من بعض الأشياء احنا ايه نظامنا الاقتصادي معرفوش طب ايه نظامنا السياسي يعني قايم على منافسة بأي أحزاب؟ لا احنا نتفق وحب على رأس أخوك وكل واحد يأخذ حتة ونتوكل على الله بس ده اللي موجود طب ايه دستورنا بيقول هويتنا إيه؟ طيب ايه هويتنا الثقافية.

لو قلت لي دول كلهم يبقى ممكن تقول في جمهورية جديدة. يعني زي الثلاثة وعشرين يوليو لما قامت ثورة ثلاثة وعشرون لا هوية اتفق أو اختلف معايا زي ما انت عايز مات جمال عبدالناصر خلصت ثورة ثلاثة وعشرين يونيو مش أنا اللي بقول اللي حكم بعدها عمل حاجة إسمها ثورة خمسة عشر مايو.

اللي هو الرئيس أنور السادات وقال إنتهى النظام الثوري وإنتهت الشرعية الثورية وبدأنا في الشرعية الدستورية وسمى ثورة تصحيح وسماها ثورة التصحيح فبدأت الجمهورية التانية. ومازالت مستمرة حتى الان. يعني أنت لا ترى أي أحزاب واعدة على الساحة ازاي يبقي في أحزاب واعدة وهي بتدار عبر الأجهزة الأمنية يعني مش فاهمها يعني. يعني أنا عايز ابقي في حزب الأمن من حقه يشوف ويتابع ويعرف كل حاجة اصل متدخلش هو وأنت مالك أنت تجيبني تجيب قيادة ليه أو تشيل قيادة ليه انت مالك مش شغلتك خالص يعني ف ده اللي أنا عايز أقوله يعني مفيش حاجة اسمها أكبر حزب في مصر هو الأمن الوطني. أعظم حزب في مصر هو الأمن الوطني. ده أعظم حزب. حزب قوي ومتماسك ورائع. وله لجان بقي لجنة كذا ولجنة كذا ولجنة كذا يعني بس يعني أقدر أقول كدة. تعليقك على إعلان بعض مرشحي أو رؤساء الأحزاب الترشح لانتخابات الرئاسة المقبلة. طيب ربنا يوفقهم انتخبات ايه الرئاسية المقبلة الرئيس السيسي جه رئيس للجمهورية بشعبية طاغية لا ينكرها أحد. وهي غير مسبوقة إلا مع محمد علي يعني محمد علي جه بنفس الطريقة دي الشعبية الطاغية دي يعني جمال عبد الناصر بنا شعبيته بعمله، بإنجازاته وبشخصيته. بفكره وثقافته. وبكل حاجة. الرئيس السيسي جه بده. وترشح ضده الأستاذ حمدين صباحي. وأعتقد النسبة كان باينة يعني حاجة اثنين في المئة أو ثلاثة في المئة. وده كان الواقع الحالي كان في الالتفاف ده حوالين الرئيس وبعدين الرئيس السيسي حكم بيحكم وفق ما يرى للوطن. هو يرى للوطن ايه بينفذوا. جات الانتخابات التي بعدها. وشوفنا بقي مين اللي ترشح ضده. في مشهد عبثي. بعد ذلك عايزين يكرروا اللعبة. عايزين يكرروها برضه ينزل حد ويتسرب كلام كده يقول لك يعني النسبة ممكن تطلع حاجة وسبعين في المئة مش مانع يعني طب بتعملوها ليه.

ليه تعملها يعني عايز تعمل انتخابات رئاسية يبقى اسمح للإعلام الدولي كله نتحرك. إرفع إيدك عن الإعلام وخلي الإعلام الناس تكتب وخلي الناس تتكلم، وحط قواعد للعبة عن طريقة الانتخابات. أنت هتطلع وقت قد ايه والمرشح المنافس قصادك قد ايه أعلن بوضوح أنك مش هتقبض على أي حد ماشي مع أي مرشح من المرشحين مثل ما حصل ايام انتخابات بعد ثورة خمسة وعشرين يناير، يعني إحنا كنا نقدر أيام محمد مرسي وأنا ضد الإخوان ومعلوم موقفي من الإخوان تماما من قبل حتى ايام مبارك، لكن ايام محمد مرسي كنا نقدر نعمل استمارة تمرد وننزل في الشارع وأنا كنت اقدر أطلع على الشاشات وأتكلم وكنت أقدر اكتب في الجورنال لكن دلوقتي لا يمكن هل حد يقدر يعمل استمارة تمرد دلوقتي ده واحد نزل بيافطة في الشارع قعد في السجن سنتين، ف احنا دلوقتي بنتكلم في القرن الواحد والعشرين، هي مصر في القرن الواحد وعشرين ولا احنا لسه هناك؟.. في يعني إذا كان هناك مرشحين من الممكن أن يكونوا حزبيين في ناس إيجابيين يعني أكيد بيحاولوا يعني هناك يعني رئيس حزب الوفد على المنصة وترشح رئيس حزب المحافظين أحمد طنطاوي هؤلاء من أعلنوا ترشحهم الأن ربما تأتي أسماء أخرى حلو ربنا يوفقهم يعني أنا مبقولش حاجة مش معترض الناس كويسة وطيبة و لذاذ وحاجات كده يعني، ما تعليقك عن الطنطاوي في إعلان ترشحه؟ شاب يعني واعد وبيحاول وللأمانة أقدر أقول إن احمد طنطاوي ظلم في انتخابات البرلمان اللي فاتت ظلم ظلم شديد جدا وكان وجوده في البرلمان كان شيء أعتقد أنه جيد يعني لأنه هو نجح هو كنائب في.

في الدورة الأولى عن دائرتي لأنه كان نازل دسوق وقال لي وأنا من دسوق وكذا وأنا مأعرفوش شخصيا لكن شفت أداؤه كان فيه يعني اندفاعات شباب شوية و بتاع بس حلو يعني مش وحش ودلوقتي أنا شايف أنه بيزداد نضجا يعني أكثر، لكن ما أظنش أنه هيكون قادر أو يمكن خالص صعب جدا، لكن هو بيحاول ومن حقه يحاول. أما الأستاذ عبد السند يمامة أنا مأعرفوش خالص والله يعني أول مرة أسمع عنه لما تفاجئت أنه أبو شقة سقط لأنه كان قريب من السلطة، فالأستاذ عبد السند يمامة لما جه في اللحظة بتاعة أن سقط بهاء الدين ابو شقة لاقترابه من السلطة في نفس اليوم ده كان سقط أبو شقة ونجح النبراوي سقط كمان ضاحي هاني ضاحي في نقابة المهندسين والاثنين كانوا سلطة في نفس اليوم جه الأستاذ صاحب الأستاذ يمامة لقيته في حفلة الحوار الوطني بيتكلم كلام مايقولوش مستقبل وطن يعني طب يعني يا سيدي أنا مبقولش متأيدش أنا ممكن لو لقيت حاجة دلوقتي كويسة أؤيد فيها أو أشيد بالحكومة فيها مفيش مشكلة أستاذ رئيس حزب قول لي هويتك إيه فلما قام يتكلم ملقتش الوفد يعني أنا ممكن ابقي ليا تحفظات أو ليا وجهة نظر في حزب الوفد لكن لازم أذكر في تاريخه الأسماء العظيمة حتى الصراعات العظيمة، اللي حصلت جواه حزب كبير يعني مش حزب قليل يعني وتاريخه كبير، فالأستاذ يمامة يعني. يعني صعب جدا إني أنا أقدر اقيم أو هيعمل ايه يعني معرفش يعني مقدرش. أستاذ أكمل قرطام رجل عنده حزب كويس لطيف وكان في البرلمان قبل كدا له تجربة في البرلمان مشوفتش حاجة فيها، شفت استقال وانفعلوا كان عايز يبقي رئيس لجنة حقوق الإنسان وماعرفش وحاجات كدا يعني ويقولوا أنور عصمت السادات كان شخصية بارزة دلوقتي يعني ويعني ده أسقطوا عنه العضوية وقالوا لأنه خاين أنا أعرف أنور كويس يعني من زمان يعني من سنوات طويلة وفاكر ايام ما كنت بكتب مقالات نهاية مستنقع وطن كلمني وحصل اشتباك بيننا وبين بعض يعني لأنه كان بيهديني و قال لي الجماعة يعني متضايقين منك وخف شوية وأنا بحاول اهديهم. الجماعة مين؟ فحدد لي يعني قال لي هم كذا وأنا في الساحل ومعاهم وحاجات كده وقال لي طب بس نقعد قلت له لا مبقعدش مش عايز اقعد وهكمل وكملت المقالات ويمكن هو ما يعرفش إني أنا كنت في الوقت ده كمان الوقت اللي كنت بكتب فيه ده، كنت بتطلب في رئاسة الجمهورية ويطلب رأيي في بعض الحاجات كنت بعمله بأمان يعني أقول رأيي بأمانة وكل ما عرضته على رئاسة الجمهورية الحمد لله برضه بأمانة لم يؤخذ بأي شيء منه.

المذيع

هل أنتم الذين صرفتم عن صانع القرار أم أن صانع القرار انصرف عنه؟

نصر القفاص

لأ. أنا مش أنا منصب يعني. يعني في التجربة الحزبية السياسية أنا مرفعتش الراية البيضة كنت فاهم اللعبة ف قعدت فيما يتعلق بالإعلام اللي أنا شفته في الإعلام لأ شيء مهين، ماعنديش استعداد إني أنا ابقي موجود في الأهرام اللي كانت بالنسبالي حلم كبير وحققته وبقيت قيادة فيه مع ناس كبيرة قوي، يعني أنا اتعاملت مع رؤساء التحرير اتعاملت معاهم على المستوى المباشر اتعاملت مع محسن محمد مباشرة مع إبراهيم نافع مع إبراهيم سعدة مع أنيس منصور، اتعاملت مع عباس الطرابيلي في تجربة مكتب مع محمد عبد المنعم في تجربة مكتب، أنا كنت بيشرفني أني الدكتور يوسف إدريس أني صاحبه واقعد معاه، اتشرفت بجلسات مع الأستاذ نجيب محفوظ وشفت توفيق الحكيم كثير وأسماء محمود عوض أستاذي العظيم وصديقي وأخويا واتعلمت منه حاجات ازاي ابقي في وسط دول كلهم وهبقي موجود فيه اللي هو فيه دلوقتي ده.

لا كان بالنسبة لي صعب فاحترمت نفسي وأخذت أجازة بدون مرتب ودفعت التأمينات. وبعدين الإدارة بقي بدأت تقول لا وتيجي وترجع وحاجات كدا. وبعدها اتوقفت كمان من شغل التلفزيون أصبحت محظور وبعدين رحت للمعاش مرضوش يصرفوا معاشي قعدوا معاندين فيها فترة وأنا قلت لحضرتك إن رئيس الجمهورية يعرف وبعدين جالي معاشي بالصدفة يعني معاشي اتصرف بعد بلوغي سن المعاش بسنتين ونصف لأنه كان البدري فرغلي رفع قضية بأن مش عارف المعاشات وحاجات كدا حصلت فصدر الحكم فلازم يتصرف الفروق فكان جاي رئيس هيئة التأمينات جديد الله يوفقه ويكرمه يعني أنا معرفوش والله، فلما عرض عليه الحالة قالوا له في فلان مالوش يعني لا معاش وهنعمل ايه في الفروق، فقال لهم خاطبوا الأهرام. فخاطبوا الأهرام.. الأهرام خافت ترد تقول أي حاجة غلط، فمردتش فقال لهم خاطبوها تاني فمردتش فقرر الرجل صرف مستحقاتي، وفوجئت بأنني جت لي برقية كده بيقولوا لي تعالي اصرف مستحقاتك من بنك مصر، فرحت لقيت بيدوني فلوس اللي هي المعاش سنتين ونصف اللي فاتوا بتقولي على بعض كده كنت مذهول يعني، فسألت ايه الموضوع، قالوا إن الموضوع كذا، جه جواب، ونحوله لك على البنك غير كدا أنا ليا مكافأة نهاية الخدمة، اللي في الهيئة الوطنية للإعلام ممنوع من الصرف ليا نهاية مكافأة نهاية الخدمة صندوق الزمالة في الأهرام، ودي مبالغ كبيرة مباخدهاش ومطلوب مني أنا أبوس القدم وأبدي الندم على غلطتي، ف مش هبوس القدم ومش هبدي الندم على غلطتي خالص لأننا ماغلطتش.

المذيع

هل تعتقد أنه يمكن حلحلة الأزمة بحكومة اقتصادية أو تغيير الحكومة أم تغيير السياسات؟

نصر القفاص

أنا أفهم أن يعني فخامة الرئيس يكون عنده مانع لعايز يوصل لإيه يقولوا يقول المنهج وبناء عليه تيجي حكومة لكي تتبنى هذا المنهج، وبناء على ده يكون في برلمان بيناقش الحكومة في أنها خرجت عن الخط أو أجادت أو قصرت ويكون في إعلام بيتكلم عن دول كلهم، يبقى هنا ممكن نبدأ مرحلة جديدة ويبقى في دولة جديدة غير كدا نروح نقعد في حفلات الحوار الوطني ونبقى لذاذ وحلوين وكدا ونطلع توصيات وأكيد فخامة الرئيس هياخد شوية منهم يعني عشان برضه يتعمل دوشة زي ما حضرتك قلت ايه اعاد الإشراف القضائي طيب يعني أنت أعدت الإشراف القضائي وأنا مرعوب. الكلام دا أنت هتذيعه سيتلعن سلسلفيل أبو جدودي وماله لأن من اللي هيلعنوني منبوذين من هذا الشعب فأنا أكون فخور يعني إذا جاءتك مذمتي ف هبقي سعيد بيها يعني لكن أفهم أن حد يقولي أنا مختلف معاك في كذا. أفهم أن حد يقول لي أنت مش شايف كذا، يعني لو قالوا لي أنت مش شايف إنجازات، هقول لهم أنا شايف شايف كباري. يعني شايفها كويسة وشايف طرق حلوه، وشايف مشروع غليون تحفة البلطي بثمانية جنيه بقي بمائة، وشايف مشروع البتلو اللحمة من مائة وخمسين لأربعمائة وخمسين، وربما تكون زادت شايف، فأنا شايف مش مش شايف، أنا شايف العربية اللي كانت ثمنها مائتين ألف بقت بمليون ومائتين، أنا شايف أن الناس أقول لك يعني الرز السمنة السكر شايف مش مش شايف هما بيقولو لي بيقولوا للناس بقي طرق و كباري ف اه كانت حاجة كويسة وكنا فرحانين بيها، لكن أنا عايز اكل.. المواطن عايز ياكل.

نصر القفاص

يعني لا هتقول لي أنه في الستينات والخمسينات كنا في ازمة. أيوة بس كنا كلنا زي بعض لكن انت طول النهار أنا أعاني من صداع في التليفونات. عروض فيلا وشقة. فيلا وشقة  في الساحل ف المش عارف ايه كثير جدا معروض أنا شايف الدولة دولة بتبيع شقة بثلاثة مليون طلعوا في المدابغ نقلوا الناس من الحتة دي وقاموا عاملين بقي الجناين وحاجات لذيذة وبتاع شقة بثلاثة مليون طلعوا الناس من ماسبيرو ويطوروها فيقوم يبيع الشقة بثلاثة أو خمسة أو سبعة أو ثمانية مليون إنك تقوم عامل رافع المرتبات عشرين في المئة ورافع الأسعار تسعين في المئة ده لا يجوز وبعدين كل التقارير الصادرة وكل الصحف تتكلم عن أزمة ويعني حضرة فخامة الرئيس يطلع يقول مفيش أزمة، احنا كان في ازمة دولار وخلصت يعني شايف ان ليها حل اللي هي الأزمة. no way مفيش أي نوع أي مخرج إذا حد شايفه يقول لي عليه وأنا هصدقه يعني إلا لو أي حد هتكلمه يقول لك اتق الله يا أخي ربنا موجود سبحانه وتعالى يا أخي وربنا هيدينا البركة ويطلع الشيخ اللذيذ يطلع لك نظرية البركة وقال لك احنا مش عايزين الدولار احنا هنشتغل بالبركة، أنتم بتتكلموا ازاي يا جماعة هو احنا في القرن الخامس عشر يعني دلوقتي هتطلعوا تقولوا لي بقى البابا وظل الله على الأرض وبتاع ازاي يعني. يعني أنتوا بتتكلموا يعني اللي بيحكمه بديانتهم البوذية ولا اليهودية ولا المسيحية ولا المسلمين في مناهج يا جماعة في اقتصاد وفي عائل يعني..

المذيع

نشكر حضرتك جدا.